Ang Kapangyarihan ng Biblia

Si Howard Stern ay may isang programa sa radio at telebisyon sa Amerika kung saan iba’t-ibang uri ng tao ang kanyang kinakausap. Ang isang sagisag ng kanyang programa ay kahalayan at kabastusan at kahit ang kanyang tatlong anak na babae ay pinagbabawalan niyang makinig o manood ng kanyang programa sa katwirang pwedeng gawin iyon ng mga anak ng iba nguni’t hindi ng kanyang mga anak.

Isang araw naging panauhin si Stern ng isang kilalang personalidad sa telebisyon, si Jay Leno. Sa programang iyon itinaas ni Stern ang isang Gideon Bible at nagmayabang ng ganito "PINAPALITAN NA NGAYON NG AKING AKLAT ANG MGA BIBLIA NG GIDEON COMPANY SA MGA HOTEL" ( kung sakaling hindi ninyo alam ang ginagawa ng samahan ng Gideon International , ang kanilang layunin ay maglagay ng isang sipi ng Biblia sa bawat sala sa lahat ng hotel sa buong mundo at sila ay naniniwala na nasa Biblia ang katugunan sa pangangailangan ng puso).

Ngunit balikan natin ang pangyayari.Hindi maituturing si Jay Leno na isang relihiyoso, ngunit hindi niya napilitang sumagot: "HOWARD, MAY MASAMANG MANGYAYARI SA IYO… IKAW AY PAPALUIN NG AKLAT NA ITO HABANG IKAW AY NAGMAMANEHO. MAGLALAGOS ITO SA SALAMIN AT TUTUSUKIN ANG IYONG PUSO. AKO AY NAGSASALITANG PARANG ISANG EBANGHELISTA, NGUNIT AKING HINUHULAAN NA IYAN ANG MANGYAYARI SA ‘YO AT NGaYON AY PARANG BIGLANG NAGLILIWANAG SA AKIN ANG LAMAN NG AKLAT NA ITO".

Sa loob ng daan at libong taon ay binabatikos ng mga tao ang Biblia at hinuhulaan ang kamatayan nito. Ngunit tulad ng martilyo ng isang panday na nasisira sa pagtagal ng panahon, gayundin ang nangyayari sa mga kritiko ng Biblia. Samantalang ang salita ng Diyos ay nananatiling matibay. Isang halimbawa si Voltaire, isang pilosopong Pranses. Kanyang hinulaan ang pagkawasak ng Kristiyanismo sa loob ng 50 taon. Makaraan ang 25 taon pagkatapos na siya ay mamatay, binili ng Geneve Bible Society ang kanyang bahay at ginawang imprentahan ng Biblia.

Tulad ni Leno maraming tao ang nagtatangol sa aklat na ito ngunit hindi nila iyon kailanman binabasa. TANONG: Kung kayo ang nasa kanyang lugar ay hindi rin ba ninyo maiiwasang sumagot? Kung oo ang inyong sagot, ako ay may isa pang tanong: Kailan ninyo huling binasa sa aklat na ito ?

Kung gugugol kayo ng kahit labinlimang minuto lamang sa isang araw sa pagbabasa ng Biblia, matatapos ninyo itong basahin sa loob ng isang taon. At sa loob ng labinlimang minutong iyon, makakatagpo kayo ng lakas, katiwasayan at gabay para sa inyong buhay. Sa loob ng libu-libong taon, kinalaban ang biblia, tinuligsa at pinilit na patayin ang Kristiyanismo. Ngunit nabuhay at namatay ang mga kaaway nito samantalang ang Bibilia ay patuloy ang paglaganap at pagbabago sa puso ng tao.