Sino nga ang makakapagsabi at makakahula na ang maganda at kaakit-akit na si international film star Rachel Grant ay isang Pinay na kung saan ito rin ay nakilala dahil sa pagganap nito bilang deadly bond girl sa pelikulang James Bond at siya rin ay kabilang sa royal family sa England.

Rachel Loiuse Grant De Longueuil, ang tunay na pangalan ni Rachel at sya ay ipinanganak noong 1977 sa Manila Medical Center. Ang kanyang ama ay si Michael Grant - ang 12th Baron de Longueuil at isa ring ritired doctor at hypnotist habang ang kanyang lolo ay si Baron Raymond Longueuil na isa ring sikat na professional artist sa South France. Ang kanyang great grandmother ay si Lady Ernestine Maud Bowes-Lyon na pinsan naman ni Queen Mother Mary kaya lumalabas na si Rachel ay fourth cousin nina Prince William at Harry.

Ayon kay Rachel, lagi niyang ipinagmamalaki ang pagiging isang Filipina at sabi pa nito na ang balot ang isa sa kanyang pinakapaboritong pagkain sa Pilipinas.

Idinagdag pa nito na siya ay isang tunay na Filipino sa kabila ng kanyang Britist accent dahil ang kanyang ina ay isang Filipina .

"My mother named Isabel, is a Filipino and I was born in the Philippines", pagmamalaking pahayag ni Rachel.

Ikinuwento rin ni Rachel na matagal na namalagi ang kanyang mga magulang sa Pilipinas hanggang siya ay ipinanganak, ngunit dahil sa malakas na bagyo na sumalanta sa Pilipinas noon, napilitang lumipat at bumalik sa England ang pamilya ni Rachel.

Napag-alaman din na si Rachel ay pangalawa sa tatlong magkakapatid na babae. Ang kanyang panganay na kapatid na si Angela ay isang ballet dancer at model. Si Angela rin ang magandang modela sa Ivory soap at Lux shampoo commercials sa Pilipinas. Ang bunso naman ay si Rebecca na isa ring magaling na artist at ballet dancer sa England. Siya rin ay may sariling ballet school sa nasabing bansa.

"The three of us went to a local ballet school in Nottingham where we did ballet, singing, and acting. We performed regularly around the UK in dance and drama festivals and competitions as well as numerous charitable events, notably the Royal Society of the Blind," kuwento pa Rachel