Nakitaan ng alanganing posisyon ang iminumungkahing health care reform bill ni US President Barack Obama,

Napag-laman na ito ay kaugnay sa pagkapanalo ni Republican State Senator Scott Brown sa isinagawang special election sa estado ng Massachussetts para sa bakanteng posisyong naiwan ni yumaong Edward Kennedy noong nakaraang taon.

Napag-alaman kasi na hindi sang-ayon ang mga Republicans sa health care bill na isinulong ni Barack.

Nauna rito ang pagkakaroon ng "close fight" nina Brown at ng katunggaling si Democratic Attorney General na si Martha Coakley.

Nakuha ng Republicans ang kabuuang boto na 1,127,531 habang 1, 013,451 naman ang sa Democrats.

Ayon naman kay Coakley, tanggap niya na ang pagkatalo ay batay lamang sa inilabas na partial result kung saan nanguna na ng 53 porsiyento si Brown,

Lumabas din sa ilang ulat, mawawalan ng pagkakataon ang Democrats ng 60-seat majority sa 100-seat Senate kapag kay Brown napunta ang naturang senate seat kung saan mahihirapang maipasa ni Barack Obama ang healthcare reform bill.

Ang Healthcare reform ay isang napakahalagang "domestic policy objective" para sa kanyang unang taon ng pagiging Pangulo ng Amerika. Ulat ni Michelle H. Carandang

Inaasahan na magtatakda ang US at China ng mataas na carbon emission cut na siyang tintingnang susi upang mabuo ang kasunduan.