Ikalawa, tulungan siya na maging kung ano siya.

Ang isa sa mga pagkakamali ng maraming magulang ay ang ipaggiitan sa kanyang anak ang kanilang pangarap. Huwag maging hadlang upang siya ay lumaki ayon sa mga katangiang bigay sa kanya ng Diyos sa kanyang buhay. Ang sariling hilig, kakayahan, ambisyon at interes ang kanyang dapat mag-yamanin. Ngunit hindi nangangahulugan iyan na papagayan ninyo siyang makisalamuha sa mga kalarong masama ang pag-uugali. At ang magandang pamantayan ng moralidad ay inyo nang naitanim sa kanyang isipan, magtiwala sa kanyang kakayahan.

Ikatlo, turuan ng kabutihang asal.

Hindi ninyo ito magagawa sa pamamagitan ng pagbibigay sa kanila ng kalayaang manood na telebisyon kahit anong oras at ng mga pelikulang ang turo ay salungat sa Biblia, o mga awiting ang sinasabi ay lason sa isipan. Sa halip bigyang diin ang pagsisimba ng buong pamilya tuwing Linggo, pagdalo sa Sunday School at Bible Study, at mga gawaing ang layunin ay tumulong sa mga kabataan upang lumayo sa masasamang barkada. Pag siya ay nagtanong kung bakit mayroong bawal, sabihin lamang ninyo, SAPAGKAT AKO ANG TATAY O (NANAY).

Ikaapat, hikayatin siyang magkaroon ng mabubuting kaibigan.

Iyan ay ngangahulugan ng pagbabawal sa bata na makisama sa mga barkadang lumaki sa layaw ay walang iniisip kundi gulo at kapilyuhan.Pagwala kayong ginawa sa bagay na ito, mawawalan din kayo ng pagkakataong maging mabuting impluwensya para sa inyong mga anak.

Ikalima, huwag kalilimutan ang kapangyarihan ng papuri at pagkilala sa kanyang magagandang katangian at ginawa.

Ang pinakamahalagang bagay sa mga bata ay hindi ang pagsang-ayon ng kanilang mga kaibigan, kundi ang papuri ng kanilang mga magulang . Purihin ang kanilang magagandang gawa at ipadama sa kanila ang inyong kagalakan at pagmamalaki. Iyan ang isang malaking pagkukulang ng mga magulang .