"This decade is unlike any other, because, in conflict countries such as Iraq, Afghanistan, Somalia and Pakistan, it has seen the deliberate targeting of journalists," ani Anthony Mills, managing editor ng World Press Freedom Review.

Lumalabas na sa kabuuan ay 735 na mga journalists ang pinatay noong 2000-2009 kung saan karamihan umano ay sadyang pinatay habang ang iba naman ay naaksidente sa gitna ng trabaho.

Napag-alaman din na pinakamarami sa nasawi ay mula sa Asya na mayroong 238, Middle East at North Africa na may 202, Amerika na may 162, 68 sa Europe, 53 sa Africa at 12 sa Caribbean.

Sa mga bansa, pinakamarami ang nasawi sa Iraq habang nagkokober ng kaguluhan dulot ng insurhensya at sectarian violence.

Pangalawa ang Pilipinas kung saan 93 ang kabuuang napatay sa loob ng isang dekada kabilang na ang 32 pinatay noong Nobyembre 23, 2009 sa malagim na masaker sa Maguindanao.

Sinundan ito ng Colombia na nasa 58 journalist ang nasawi dahil sa madalas maipit sa engkuwentro sa pagitan ng FARC rebels at tropa ng pamahalaan, habang 38 naman sa Mexico.