Sa inilabas na report ng World Competitiveness Yearbook kung saan nira-rank at sinusuri ang kakayahan ng isang bansa para matugunan ang pangkalahatang pag-unlad ng paggawa, kulelat na naman ang Pilipinas para sa taunang general evaluation.

Para sa taong 2009, lumalabas na lumaglag sa ika-43 puwesto ang Pilipinas mula sa ika-40 puwesto nito noong 2008. Samakatuwid talagang lumalabas na napag-iiwanan na tayo ng mga bansa sa Asya.

Mahina ang performance sa ekonomiya, mahina ang serbisyo ng gobyerno at mahinang imprastruktura ng Pilipinas. iyan ang naging dahilan ng World Competitiveness Ranking kaya bagsak na naman tayo.

Sa resulta naman ng isinagawang State of Philippine Competitiveness National Conference sa Pasay City noong nakaraang linggo, nasa pinakailalim ang Pilipinas sa may 13 bansa sa Asia-Pacific region. Lumalabas talagang least competitive ang Pilipinas at hindi makahabol sa mga katabing bansa sa Asia-Pacific

Pinakamahusay ang performance ng HongKong, Singapore, Australia, Qatar, Japan, Malaysia, China, Taiwan., Thailand, Indonesia at nasa huli ang Pilipinas na nasa number 43.

Malaki itong hamon sa mga tatakbo ngayong darating na eleksyon kaya naman maging matalino tayo sa pagpili ng bagong mamumuno sa ating bansa habang may natitira pang pag-asa para sa kinabukasan ng mga susunod ng henerasyon.

Ano ang iyong reaksyon sa inilabasn na resulta ng World Competitiveness Yearbook tungkol sa Pinas?