Nilinaw din ng Malacanang na hindi nila gagamitin na paghihiganti kay Arroyo ang gagawing pagbu-bunyag ni Ampatuan ukol sa naganap na dayaan sa nakaraang halalan.

Samantala, magbibitiw umano sa kanilang puwesto ang dalawang state prosecutors ng Department of Justice (DOJ) kung gagawing state witness ng pamahalaan si Ampatuan. Anila, baka maulit lang muli ang nangyari sa kaso ni dating Major Gen. Carlos Garcia nang pumayag ang pamahalaan sa "plea bargaining."

Kung magiging ‘state witness’ umano si Zaldy , magkakaroon ng pagkakataon ito na makalaya at makukuha nito ang mga naka-freeze na ari-arian ng kanilang pamilya para magamit nito at makabalik muli sa kapangyarihan ang kanilang angkan.

Nakatakdang humarap naman si Pangulong Noynoy Aquino sa mga kaanak ng mga biktima ng masaker makaraang humingi ang mga ito ng audience matapos mapabalita ang nakatakdang paglagay na ‘state witness’ ni Ampatuan. Kokontrahin umano ng pamilya ng mga biktima ang pagpayag ni Aquino na gawing testigo si Ampatuan.