DADAAB, Kenya - Nanlumo ang United Nations refugee agency nang makita ang kalagayan ng libu-libong Somali refugees sa Kenya na lumikas sa matinding tagtuyot na nararanasan ng Somalia.

Sa Dadaab camp sa Kenya, bumabaha na ang mga refugees dahil sa kakula-ngan ng pagkain bunsod ng tagtuyot.

Ayon sa World Food Program, 10 milyon ang na-ngangailangan ng humanitarian aid habang inihayag ng UN Children’s Fund na 2 milyong bata na ang malnourished at kailangan umano ang aksyon para mabuhay ang mga ito.

Kasabay nito, nanawagan si UN High Commission for Refugees head Antonio Guterres ng maraming tulong mula sa international community.

Inihayag ni Guterres na ang nasabing tagtuyot ang pinakamalalang humanitarian crisis sa mundo.

"I believe Somalia represents the worst humanitarian disaster in the world," ani Guterres.

Napag-alaman na 35 araw ang nilalakbay ng nasabing mga refugees para makaabot sa Kenya at ang iba ay namamatay sa daan pa lang.

Sa ngayon ayon sa refugee agency, 58 ang namatay sa Kenya sa loob lang ng isang buwan.

Ayon pa sa UN refugee agency, may 2,000 rin na tumutungo ng Ethiopia kada araw mula Somalia, para makaiwas sa tagtu-yot.